Please reload

BB轉季護膚須知,要點樣護理?

October 19, 2018

 

 

秋冬季天氣變得凍同乾燥,BB皮膚比大人細嫩脆弱,容易乾痕敏感。想BB皮膚保持健康嫩滑,新手爸媽就要預先學識,同準備定秋冬護理之法!

 

了解BB皮膚特性

 

 

初生BB頭2至3個月會有媽媽遺留落黎既荷爾蒙,令皮膚會有較多油脂分泌,容易出現細小凸起既紅疹,特別是在額頭同面既位置(又稱為新生兒痤瘡)。荷爾蒙退去之後,BB皮膚就會回復嫩滑,但其實BB皮膚同成人仍然有好大分別:

 

 

1. BB皮膚比成人薄一半既厚度,所以皮脂膜保護力亦會較薄

 

2. 表皮細胞密度較低,真皮層既彈性纖維同膠原纖維較少,令BB整體肌膚既保護屏障都較弱,所以先有BB容易皮膚敏感既現象。

 

圖片來源: 台灣皮膚專科醫生劉奎蘭

 

 

常見秋冬皮膚問題

 

濕疹

 

BB皮膚長期暴露係乾燥環境,皮膚容易乾燥,加上皮脂膜分泌減少,造成濕疹問題。濕疹常見於皮膚乾燥位置,例如面部、手腳、關節位置出現紅疹、痕癢,通常係對稱分布,BB會覺得唔舒服,容易難以入睡,又或者成日捽眼睛、頭、手腳等等。

 

 

 

尿布疹

 

秋冬季天氣凍,新手爸媽好多時怕BB凍親而減少換片,大小便長期UP住pat pat ,刺激皮膚而引起發炎,令BB係冬天出現尿布疹既機會大增。

 

 

 

熱痱

 

主要因為新手爸媽怕BB凍親,就同佢穿着過多衫,太熱同焗促令到汗水積聚係皮膚,焗出熱痱。汗水UP住令皮膚出現痕癢、紅點、紅疹等,常見於BB胸前、背脊、大腿等位置。因此新手爸媽同BB穿着過多衫都唔係好事,要留意BB會唔會過熱同出現流汗情況。

 

 

 

毛囊角化症

 

毛囊角化主要係家族遺傳,亦都常見於BB,手臂出現細細粒凸起既疹,呈啡紅色,冬天既時候會更加明顯。

 

 

秋冬全面護理之法

 

 

室內要留神

 

有時天氣太凍,驚凍親BB,新手爸媽會選擇係屋企開暖氣,要記得如果開暖氣,就要減少BB著既衫,唔係就容易焗出熱痱。另外,開暖氣會令室內濕度進一步下降,乾燥問題加劇,建議新手爸媽可以同時放一個放濕器,或者一杯水,加強濕度。而BB亦都可以每日搽返BB面霜,保持返BB面珠嫩滑。

 

 

 

戶外衣著

 

選擇棉質透氣既禦寒衣物,可以吸收汗水,羊毛料就盡量避免,一方面BB皮膚直接接觸羊毛容易造成刺激敏感,另一方面羊毛亦不利於透氣排汗,令汗水UP住皮膚。如果太凍要著羊毛衫,都要有一件棉質衫打底。著衫既厚度同成人其實差唔多,feel到BB覺得凍先至額外加上保暖衫!

 

 著過多衫有機會出熱痱

 

 

日常清潔

 

注意沖涼時間及次數,浸熱水太耐容易造成皮膚乾燥,一般5至10分鐘已經好足夠。而且避免用過熱既水沖涼,水溫要以唔超過40度為原則。選擇溫和低敏、唔刺激、不含SLS、MIT、CMIT、paraben等成分既沐浴露比BB用。沖涼之後即刻搽潤膚奶,以免皮膚流失水分。

浸浴一般5至10分鐘已經好足夠

 

沖涼後即刻搽潤膚奶 (上圖:Bebble 橄欖滋潤護膚奶)

 

 

定時換尿片

 

雖然秋冬天氣變凍,BB著衫多左,但新手爸媽亦都唔可以賴或者怕BB凍親,要定時換尿片,避免細菌滋生。換片之後亦最好用返具有抗菌保濕功效既換片膏,加強對patpat皮膚既保護同滋潤。

 

具有抗菌、保濕功效既換片膏,為patpat建立天然防水屏障

 

 

加強保濕

 

選擇面霜及潤膚幻。適當既保濕可以加強角質層的保護屏障,尤其係有濕疹或異位性皮膚炎既BB,有助減緩肌膚乾敏不適既症狀建議係BB沖完涼之後,同BB全身以及面部搽返潤膚奶及面霜。

而選擇成份以溫和、滲透力佳、親膚性高較好,如橄欖油、洋甘菊、甜杏仁油、荷荷巴油、玫瑰果油、椰子油等。至於近期常見既金盞花油,有指佢具有治療作用,但如非敏感或濕疹,就唔建議成日使用啦。

 

Bebble 產品推薦

 

Bebble 橄欖滋潤護膚奶

 

植物有效成份: 純淨橄欖精華、洋甘菊、甜杏仁油、荷荷巴油

 

 

 

Bebble 嬰兒胡蘿蔔柔嫩保濕面霜

 

植物有效成份:胡蘿蔔精華、荷荷巴油、甜杏仁油、純淨橄欖油

 

即Click了解產品更多: Bebble 從頭到腳潤膚裝

精選文章

 

 

【BB 皮膚乾燥爆拆? 可能你冇做好呢啲事】

 

【BB係咪每次換片都要搽pat pat膏?】


【幾時幫BB沖涼最好?】

想知道更多育兒資訊?

 

Follow 我地Facebook: BebbleHK

Bebblehk IG: bebblehk

 

 

*Bebble 歐洲 50 年嬰兒謢膚領導品牌*

「從第一天起開始呵護 BB,為父母提供照顧 BB 日常所需產品,係 Bebble 嘅宗旨。」

Share on Facebook
Please reload