Please reload

作為新手爸爸必學,有咩可以幫到手?

October 30, 2018

 

男士侍產假上星期四通過立法會將會由3日增至5日,可以多返啲時間照顧媽媽同初生BB!今時今日新手爸爸都要負起湊B責任,到底新手爸爸有咩可以做,先做到好爸爸同貼心丈夫呢?

 

 

有新手爸爸表示,自己參與唔到懷孕過程,見住太太筋疲力盡咁生出BB,到BB出生後,又無法做到好似媽媽喂哺母乳呢種同BB既親密接觸,感覺同BB關係疏離,試下以下幾點,做個親密爸爸!

 

喂哺母乳篇

 

爸爸以為喂哺母乳既環節冇野幫到手?其實仲可以做到以下幾點:

 

 

喂奶前後同BB換片

 

媽媽忙於喂奶,爸爸其實可以幫手睇睇BB有冇需要換片,每次同BB清潔patpat、搽換片膏,都係可以加強爸爸同BB既親密度,同埋可以幫輕媽媽唔少!

 

 

 

喂奶時抱BB到媽媽身邊

 

初生BB一日要喂奶多次,如果可以每次都有貼心爸爸將BB從BB床抱出抱入,就可以減輕媽媽腰背痛既問題,亦對於產後身體恢復有幫助!

 

 

泵奶前後幫手

 

泵人奶非常唔容易,爸爸想幫輕媽媽,可以係媽媽泵奶前後幫手清潔泵奶器,係泵奶完成之後,將人奶標記日期,放入雪櫃。

 

日常生活

 

同BB剪指甲

 

雖然BB細細粒,但佢地既手指甲卻生得出奇地快,想媽媽多休息,產後身體恢復得快啲,作為爸爸可以幫手同BB剪指甲,想剪得輕鬆啲,可以選擇BB瞓覺既時間剪指甲。

 

 

 

 

成為BB車駕駛員

 

媽媽產後身體未恢復,不適宜拎重野,所以爸爸可以包辦所有BB車事務,幫手推BB車、攞出攞入等。

 

 

購買BB日用品

 

大家都知道,湊B用品多不勝數,爸爸可以幫手買BB用品,例如尿片、濕紙巾、洗髮沐浴露、BB潤膚奶、換片膏等,而作為貼心丈夫,可以同媽媽買定乳頭滋養、產後修身等用品,除左尿片,所有母嬰用品都可以係我地官方網站買得到https://www.ardentradehk.com/,只須買滿$300就免費送貨,慳返唔少時間!

 

 

 

同BB沖涼

 

爸爸同媽媽一齊為BB沖涼,準備沖涼必備品,例如沐浴盆、毛巾、尿片、沐浴露、替換衣服等,除左可以幫輕媽媽,仲可以增加大家同BB既互動!

 

 

對媽媽的話

 

當然,新手爸爸咁落力照顧妳同BB,媽媽都要多讚賞爸爸。而有時爸爸未必做到妳心中所想,亦無需要緊張責怪。同時雖然爸爸主動幫手,適當既時候都要為大家補留睡眠時間!

 

 

精選文章

 

 

【BB 皮膚乾燥爆拆? 可能你冇做好呢啲事】

 

【BB係咪每次換片都要搽pat pat膏?】

 

【幾時幫BB沖涼最好?】

想知道更多育兒資訊?

 

Follow 我地Facebook: BebbleHK

Bebblehk IG: bebblehk

 

 

*Bebble 歐洲 50 年嬰兒謢膚領導品牌*

「從第一天起開始呵護 BB,為父母提供照顧 BB 日常所需產品,係 Bebble 嘅宗旨。」

 

 

 

Share on Facebook
Please reload